Құнды жәдігерлер қолды болған соң Франция мұражайлары күшейтілген күзетке көшеді

Соңғы бір айда Франциядағы үш мұражай ұрылардың нысанасына айналды. Ұрланған экспонаттардың қатарында 2500 жылдық кельт алқасы, құны 4,5 миллион АҚШ долларына бағаланған 27 зергерлік бұйым және б.з.д. I ғасырға тиесілі 40 алтын тиын бар.

Осы шулы оқиғалардан кейін Франция билігі мұражайлардың қауіпсіздігін күшейту үшін 30 миллион еуро бөлуді ұйғарды.

Лувр музейіндегі атышулы ұрлық туралы фильм түсіріледі

Тексеру нәтижесі 2024 жылы елдегі 1200-ден астам мұражайдың шамамен жартысында ғана заманауи бейнебақылау жүйелері орнатылғанын көрсетті.

Мұражайлардағы ұрлықтар өткен жылдың қазан айында басталған. Сол кезде Луврдан жалпы құны 102 миллион АҚШ долларына бағаланған сегіз артефакт ұрланған болатын.

Мұражай туралы түсірілім

Бұған дейін Лувр басшылығы ғимаратты шұғыл жаңғырту қажет екенін мәлімдеген. Атап айтқанда, шатырынан су ағады, эскалаторлар жұмыс істемейді, ал инженерлік жүйелер күрделі жөндеуді қажет етеді.