Құқығысыз және мемлекеттік нөмірсіз Қостанай тұрғыны заң бұзушылықтар жиынтығын жасады

Қостанайда полиция қызметкерлері мемлекеттік нөмірі жоқ Mercedes маркалы автокөлікті тоқтатты, - деп хабарлайды Tengri Auto.

Алайда бұл жалғыз заңбұзушылық емес: тексеру кезінде жүргізушінің мас екені белгілі болды. Одан бөлек, қызметкерлер оның бұған дейін жүргізуші куәлігінен айырылғанын, бірақ бұған қарамастан қайтадан рөлге отырғанын анықтады.

Медициналық куәландыру жүргізушінің жеңіл дәрежедегі мас күйде болғанын көрсетті. Оған қатысты қылмыстық іс қозғалды.

Айта кететін жайт, автокөлік иесі де жазасыз қалмады, ол да мас күйде болған. Ол көлік тізгінін басқа адамға бергені үшін жауапқа тартылды.

Сот оған 15 тәулікке әкімшілік қамауға алу туралы үкім шығарып, 7 жыл мерзімге көлік құралын басқару құқығынан айырды.

Тағы оқыңыз: Алматыда мас күйде көлік айдаған 1300-ден аса жүргізуші куәлігінен айырылды

Бізді Google-дың негізгі дереккөздер тізіміне қосыңыз