Құрылтай депутаттарының сайлауына қатысу туралы алғашқы мәліметтер белгілі болды

Орталық сайлау комиссиясы бірпалаталы Парламент – Құрылтай сайлауына дауыс берушілердің келуіне қатысты алғашқы мәліметтерді жариялады. Сағат 10:00-дегі жағдай бойынша ақпаратты ОСК мүшесі Азамат Айманакумов мәлімдеді, - деп хабарлайды Tengrinews.kz тілшісі.

ОСК деректері бойынша, қазір 2 264 411 адам дауыс берген.

Астана – 17,01 пайыз; Абай облысы – 17,35 пайыз; Ақмола облысы – 18,91 пайыз; Ақтөбе облысы – 20,28 пайыз; Алматы облысы – 17,19 пайыз; Атырау облысы – 18,75 пайыз; Батыс Қазақстан облысы – 17,97 пайыз; Жамбыл облысы – 18,25 пайыз; Жетісу облысы – 20,87 пайыз; Қарағанды облысы – 21,06 пайыз; Қостанай облысы – 17,92 пайыз; Қызылорда облысы – 22,91 пайыз; Маңғыстау облысы – 16,92 пайыз; Павлодар облысы – 15,98 пайыз; Түркістан облысы – 20,39 пайыз; Ұлытау облысы – 19,41 пайыз; Шығыс Қазақстан облысы – 19,93 пайыз; Солтүстік Қазақстан облысы – 17,52 пайыз; Алматы – 9,96 пайыз; Шымкент – 20,39 пайыз.

Бұл сайлауда дауыс берушілер тізіміне барлығы 12 605 788 адам енгізілді.

Республика бойынша сайлаушылардың келуі 17,96 пайызды.

Құрылтай депутаттарын сайлауға сайлаушылардың келуі / ОСК деректері

Нәтижелер қашан белгілі болады?

Елдегі сайлау учаскелері 07.00-ден 20.00-ге дейін ашық. Олар жабылғаннан кейін бірден дауыстарды санау басталады. Комиссиялар нәтижелер туралы ОСК-ға дереу есеп береді. Орталық сайлау комиссиясы қорытындыны арнайы отырыста шығарады.

Алдын ала қорытындылар бірнеше күн ішінде жариялануға тиіс. Ал ресми нәтижелер сайлаудан кейін 7 күннен кешіктірілмей мәлімделеді.

Бұл – сайлаудың түпкілікті қорытындысы биыл 30 тамызға дейін жарияланады деген сөз.

Құрылтай сайлауы

23 тамызда Қазақстанда жаңа бір палаталы Парламент - Құрылтай депутаттарын сайлау өтіп жатыр. Бұл - 1991 жылдан бергі оныншы парламенттік сайлау және жаңа Конституция қабылданғаннан кейінгі алғашқы сайлау.

Сайлауға 7 партия қатысып жатыр. Құрамы мынадай:

"Ақ жол" демократиялық партиясы - 63 кандидат; "Ауыл" халықтық-демократиялық патриоттық партиясы - 69 кандидат; "Әділет" партиясы (құрамына Amanat партиясы кірген) - 186 кандидат; "Байтақ" Қазақстан жасылдар партиясы - 47 кандидат; Қазақстан Халық партиясы (ҚХП) - 72 кандидат; Жалпыұлттық социал-демократиялық партия (ЖСДП) - 33 кандидат; Respublica партиясы - 75 кандидат.

1 шілдеден бастап Қазақстан ресми түрде "жаңа дәуірге" қадам басты. Елде жаңа Конституция өз күшіне енді.

Конституциялық реформадан кейін Мәжіліс пен Сенат жұмысын тоқтатып, депутаттар таратылды. Енді елде қос палаталы Парламенттің орнына Құрылтай жұмыс істейді. Сайлау қорытындысы бойынша жаңа Парламентке 145 депутат кіреді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Google News арқылы жаңалықтарымызды қадағалаңыз

Жазылу