Құстар қайтып барады

Жарқырап жаз өтіп, жалтырап күз келді.

Әлемдегі құс атаулының 29 түрі біздің ел арқылы ұшып өтеді. Жалпы Қазақстанда 21 отрядқа және 61 тұқымдасқа жататын құстың 500 түрі кездеседі. Оның 90 түрі отырықшы, 313-і қоныс аударатын, 68–і өзге өлкеден ұшып келеді. Қазақстанның қызыл кітабына құстардың он екі отрядының 57 өкілі кіреді. Қоқиқаз, жорға дуадақ, қара бозторғай, бірқазан, қылаңтөс  бұлдырық, орақтұмсық, жұмақ шыбыншы және басқа да таңғажайып құстар бар. Халықаралық табиғат қорғау одағының қызыл кітабына құстардың 209 түрі мен 83 түр тармағы, ал Қазақстанның қызыл кітабына  56 түрі енгізілген. Қазақстаннан ұшқан құстың кейбірі бір шеті батыста Ұлыбритания, оңтүстікте Африкаға дейін барады. 

Бекжан Бердіқұлов, Зоология институтының орнитология және герпетология зертханасы меңгерушісінің міндетін атқарушы:

- Жиек дуадақ дейміз, осы сирек кездесетін құсты қолдан өсіріп, қайта табиғатқа жіберу жобасы іске асып жатыр. Мысалы, Түркістан облысында. Одан кейін зоология институты және халықаралық ұйымдармен бірігіп, біз қазір ителгінің бұрынғы табиғи ортасына қолдан өсірілген балапандарды жіберу, жерсіндіру шараларын жасап жатырмыз.