Құттықтау трагедиямен аяқтала жаздады Алматыдағы мейрамхана жазаланды

Алматыдағы мейрамханалардың бірінде өткен туған күн кеші иесіне айыппұл арқалатты. Желіде декордың өртеніп жатқан видеосы тарағаннан кейін, ТЖД мейрамханада тексеріс жүргізді. Толығырақ Tengrinews.kz материалында.

Алматыдағы мейрамханалардың бірінде өткен туған күн кеші иесіне айыппұл арқалатты. Желіде декордың өртеніп жатқан видеосы тарағаннан кейін, ТЖД мейрамханада тексеріс жүргізді. Толығырақ Tengrinews.kz материалында.

Мән-жайы

Еске сала кетейік, бұған дейін әлеуметтік желіде Алматыдағы танымал орындардың бірінде болған өрттің видеосы тарады. Куәгерлердің айтуынша, қызметкерлер залда майшам мен фейерверк жаққан, содан кейін ұшқын төбе мен қабырғадағы декорға тиіп, өрт тұтанған. От қас қағым сәтте таралған.

Қызметкерлер өрт сөндірушілер келгенге дейін отты өртсөндіргішпен өшіріп үлгерген, алайда 101 қызметіне хабарласпаған.

Мейрамхана иесі қалай жазаланды?

Тексеру жүргізгеннен кейін ТЖД қызметкерлері оқиғаның себебін анықтады. Төтенше жағдай Медеу ауданындағы Достық даңғылы бойында орналасқан дәмханада болған.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Бүгін 08:10 1

"Аталған дәмханада түнгі уақытта туған күн тойланғаны анықталды. Мерекелік тортты безендіру үшін майшам-фейерверк (тортқа арналған пиротехникалық бұйымдар) қолданылған, соның салдарынан жылу әсерінен үй-жайдың тез тұтанғыш сәндік элементтері өртенген", – деп хабарлады Алматы ТЖД баспасөз қызметі.

Мейрамхана иесі бірден екі бап бойынша жауапкершілікке тартылды:

ӘҚБтК-нің 410-бабы 1-бөлігі – "Өрт қауіпсіздігі қағидаларын бұзу" (ғимарат ішінде пиротехниканы қолдану); "Азаматтық қорғау туралы" Заңның 16-бабы – өртке қарсы қызметке өрт туралы хабарламау.

Бұл заңбұзушылықтардың әрқайсысы үшін 15 АЕК көлемінде айыппұл қарастырылған. Осылайша, ТЖД өндірілген айыппұлдың жалпы сомасы 30 АЕК (2026 жылға 129 750 теңге) болғанын нақтылады.

Instagram-дағы бұл жарияланымды көру

Алматы қаласы Төтенше жағдайлар департаментінің (@112almaty) жарияланымы

Тағы оқыңыз: Алматы саябағындағы түнгі отшашу қайғылы жағдайға ұласа жаздады