Қызылордада құтқарушылар 6 тұрғынды өрттен аман алып қалды

Фото: ТЖМ

ТЖМ-нің мәліметінше, 112 пультіне Қызылорда қаласындағы Бейбарыс көшесінде орналасқан бес қабатты тұрғын үйден өрт шыққаны туралы хабарлама түскен.

Қытайда мыңнан астам адам эвакуацияланды: Құтқару жұмыстары жалғасуда

Оқиға орнына жедел жеткен өрт сөндірушілер екінші қабаттағы пәтердің балконы ашық жалынға оранғанын анықтап, дереу әрекетке көшкен.

«Құтқарушылар бірден өртті сөндірумен қатар тұрғындарды эвакуациялау жұмыстарына кірісіп, баспалдақ арқылы 6 адамды, оның ішінде 2 баланы қауіпсіз жерге алып шықты. Өрт қысқа уақыт ішінде толық сөндірілді. Оқиға салдарынан зардап шеккендер жоқ», делінген хабарламада.

Қазіргі уақытта өрттің шығу себебі анықталып жатыр.

Ақтөбеде көпқабатты үйде пәтер өртенді: 34 адам эвакуацияланды

Еске сала кетейік, 7 шілдеде құтқарушылар Қостанайда көпқабатты тұрғын үйдегі өрт кезінде 40 адамды эвакуациялап, 12 тұрғынды құтқарған еді.