Қызылқоға ауданында заңсыз дайындалған 500 орама шөп анықталды

«Баба» алқабына жүргізілген тексеріс кезінде комиссия мемлекеттік жер қорына тиесілі аумақта рұқсатсыз дайындалған шамамен 500 рулон шөпті анықтады.

Билік мемлекетке келтірілген залалды 3 млн 250 мың теңге деп бағалады.

Қызылқоға ауданында қысқа дайындық барысында мал азығын дайындау науқаны қызу жүруде. Сонымен қатар жергілікті билік шабындық жерлердің пайдаланылуына бақылау жұргізуде.

Миялы ауылдық округінің әкімдігі, қоғамдық кеңес, құқық қорғау органы, аудандық жер қатынастары, сәулет және қалақұрылысы бөлімінің бірлескен мониторинг барысында заңсыз шөп шауып жатқан шаруа қожалығының дерегі тіркелді. 

Миялы ауылдық округінің әкімі Гүлшара Изимованың мәлімдеуінше, "Нұр-Ай" ШҚ "Баба" алқабындағы шабындық қордағы бос жерді рұқсатсыз пайдаланып, шамамен 500 орама шөп дайындапты. 

Әкімдік мемлекетке 3 млн 250 мың теңге шығын келтірілген деп есептейді. Бұл соманың қалай есептелгені және шаруашылыққа қандай шара қолданылатыны хабарламада нақты көрсетілмеген.

Билік өкілдері шөпті мемлекеттік жер қорында дайындау тек ауылдық округ әкімдігінен тиісті рұқсат алғаннан кейін ғана мүмкін екенін еске салды.

Жарияланым шыққан сәтте «Нұр-Ай» шаруа қожалығының өкілдерінен түсініктеме алу мүмкін болмады. Редакция олардың өз ұстанымын білдіруіне мүмкіндік беруге әзір.

Ләззат ҚАРАЖАНОВА

Бүгін, 13:04