Райымбек батыр кесенесі мемориалдық кешенге айналады

2026 жылы Алматы қаласы Музейлер бірлестігіне қарасты «Райымбек батыр» заманауи музейлендірілген мемориалдық кешені ашылады. Бұл туралы Өңірлік коммуникациялар қызметінде журналистермен жүздескен Алматы қаласы Мәдениет басқармасының басшысы Данияр Алиев мәлімдеді, деп хабарлайды Egemen.kz.

Кешен тарихи тұлғаның өмірі мен ерлігін заманауи форматта көрсетуге арналған музейлендірілген кеңістік ретінде жобаланған.

Райымбек батырға арналған ескерткіш тарихи тұлғаның бейнесін заманауи сәулет стилінде көрсетіп,оның ерлігін және батырлық дәстүрін дәріптейді.

Ал ондағы экспозициялық залдардан батырдың өмір жолы, жауынгерлік ерліктері және тарихи дәуірін сипаттайтын интерактивті көрмелер орын алмақ. Қонақтар мультимедиялық бейнелер, 3D-модельдер және тарихи реконструкция арқылы батырдың өміріне көз жеткізе алады.

Тағы бір бөлім білім беру мен мәдени кеңістік ретінде ойластырылған.

Сондай-ақ виртуалды және мультимедиялық жобаларда келушілер VR-турлар арқылы тарихи шайқастарға қатыса алады, виртуалды көрмелер және интерактивті презентация арқылы Қазақстанның мәдени мұрасын зерттей алады.

Мемориалдық кешеннің негізгі мақсаты – өңір тарихын, қазақ халқының мәдени және рухани мұрасын халыққа қолжетімді, қызықты және білімді форматта ұсыну. Кешен туристер мен қала тұрғындарына рухани тағылым беріп, Алматыны еліміздің мәдени және тарихи туризмінің орталығына айналдыруға атсалысады.

Сонымен қатар, Алматы қаласында «Observatorium» музейі ашылады. Аумағы 130 шаршы метр болатын бұл музей ғылымды, астрономияны және заманауи технологияны насихаттауға бағытталған. Мұнда келушілер ғарыш пен астрономиялық құбылыстарды зерттеуге арналған интерактивті экспозициялармен танысу мүмкіндігіне ие болмақ.

Бұл екі жаңа мәдени және ғылыми орын Алматы қаласын туристік емес, сонымен қатар білім мен ғылым орталығы ретінде танымал етуге зор мүмкіндік береді. Музейдің қорытынды бөлігі деп телескоп арқылы жұлдызды аспан мен ғаламшарларды тікелей бақылауға болатын тірі бақылау кеңістігін айтуға болады. Бұл аймақ адам мен шексіз Ғалам арасындағы философиялық байланысты сезінуге мүмкіндік бермек.

«Observatorium» музейінде жасанды интеллект технологиясын енгізу, соның ішінде «Ғалам бойынша VR-саяхат» интерактивті жобасын іске қосу және робот-экскурсоводты енгізу жоспарланған.

«Райымбек батыр кесенесі мен Observatorium музейі – бұл туристік нысандар ғана емес, олар төл тарихымызды, мәдениетімізді және ғылымдағы жетістіктерімізді келешек ұрпаққа жеткізудің жаңа тәсілі. Келушілер осы жерден рухани және интеллектуалды тәжірибе алады», дейді Алматы қаласы Мәдениет басқармасының басшысы Данияр Әлиев.

Соңғы жаңалықтар

«Райымбек батыр» кесенесі мемориалдық кешенге айналады

Тарих • Бүгін, 20:04

Семейде тоғызқұмалақтан облыстық біріншілік қорытындыланды

Аймақтар • Бүгін, 19:39

Абай ауданында жанар-жағармай бекеті ашылды

Қоғам • Бүгін, 19:31

Үндістанда Нипах вирусына қарсы қауіпсіздік шаралары күшейді

Әлем • Бүгін, 18:42

Доллар әлсіреп барады: Инвесторлар неге алаңдады?

Әлем • Бүгін, 18:36

Футболдан Қазақстан ұлттық құрамасының бас бапкері тағайындалды

Футбол • Бүгін, 18:20

ChatGPT-де жарнама пайда болады

Қоғам • Бүгін, 18:15

Бекжан Мейірбаев: Зайырлы мемлекет қағидатының маңызы артып келеді

Қоғам • Бүгін, 18:00

«Бір ел – бір кітап» акциясы: Қабдеш Жұмаділовтің «Тағдыр» кітабы таңдалды

Әдебиет • Бүгін, 17:53

Австрия экс-министр Карин Кнайсльді азаматтығынан айырады

Әлем • Бүгін, 17:43

Конституциялық комиссия: Қазақстан аумағының тұтастығы туралы норма өзгеріссіз қалады

Қазақстан • Бүгін, 17:32

Қазақстанда неке мен отбасы құндылықтары конституциялық деңгейде күшейтіледі

Ата заң • Бүгін, 17:21

Тоқаев: IT-компаниялар әлемдік нарыққа шығатын алаңға айналуы қажет

Президент • Бүгін, 17:14

Бақыт Нұрмұханов: Халық кеңесі барлық азаматтың мүддесін білдіреді

Ата заң • Бүгін, 17:01

«Turning points Qazaqstan» журналының алғашқы саны таныстырылды

Білім • Бүгін, 16:58

Барлық жаңалықтар