Ресей 1 ақпанға дейін Украинаға шабуыл жасамауға келісті

АСТАНА, 30 қаңтар – Sputnik. Ресей Ақ үй президенті Дональд Трамптың өтініші бойынша 1 ақпанға дейін Украинаға шабуыл жасамауға келісті, деп хабарлады Кремльдің баспасөз хатшысы Дмитрий Песков.

"Иә, президент Трамп жеке өтінішінде президент Путиннен келіссөздер үшін қолайлы жағдайлар жасалып жатқанда, 1 ақпанға дейін бір апта бойы Киевке шабуыл жасамауды сұрады", - деп жауап берді ол Мәскеу Вашингтонның бастамасын қолдайды ма деген сұраққа.

Песков сонымен қатар Путиннің Киев режимінің көшбасшысын ешқандай кездесуге шақырмағанын немесе онымен кездесуді ұсынбағанын айтты.

"Зеленский кездесуді сұрады, шын мәнінде кездесуге Зеленский бастамашы болды. Президент Путин оған "иә, біз дайынбыз, бірақ тек Мәскеуде ғана кездесеміз" деп жауап берді", - деп түсіндірді Кремльдің баспасөз хатшысы.

Киевтің Донбасс пен Запорожье атом электр станциясы бойынша келісімге келмейтіні туралы мәлімдемесіне түсініктеме бере отырып, Песков майдан шебіндегі жағдай барлығын түсіндіріп тұрғанын мәлімдеді.