Ресейдің Қазақстанға тікелей инвестициялары 2,9 млрд долларға жетті

АСТАНА, 25 шілде – Sputnik. Қазақстанның өнеркәсіп және құрылыс вице-министрі Олжас Сапарбеков Омбыдағы ХХІІ Қазақстан-Ресей өңіраралық ынтымақтастық форумында "Өнеркәсіптік ынтымақтастық Ресей мен Қазақстанның тұрақты даму факторы ретінде" атты панельдік сессияға қатысты.

Іс-шарада Қазақстан-Ресей өнеркәсіптік ынтымақтастығының ағымдағы көрсеткіштері, бірлескен инвестициялық жобалар туралы ақпарат, инвесторларға мемлекеттік қолдау шаралары және өнеркәсіптік шеңберіндегі кооперацияны дамыту тетіктері ұсынылды.

© Министерство промышленности и строительства РКҚазақстанның өнеркәсіп және құрылыс вице-министрі Олжас Сапарбеков Омбыдағы ХХІІ Қазақстан-Ресей өңіраралық ынтымақтастық форумында "Өнеркәсіптік ынтымақтастық Ресей мен Қазақстанның тұрақты даму факторы ретінде" атты панельдік сессияға қатысты

Қазақстанның өнеркәсіп және құрылыс вице-министрі Олжас Сапарбеков Омбыдағы ХХІІ Қазақстан-Ресей өңіраралық ынтымақтастық форумында "Өнеркәсіптік ынтымақтастық Ресей мен Қазақстанның тұрақты даму факторы ретінде" атты панельдік сессияға қатысты

© Министерство промышленности и строительства РК

Ресей - Қазақстан экономикасындағы ең ірі үш инвестордың бірі, деп хабарлады өнеркәсіп және құрылыс министрлігі. 2025 жылдың соңына қарай Ресейдің тікелей инвестициялары 2,9 миллиард долларды құрады, ал 2005 жылдан бергі жиынтық инвестициялар шамамен 29 миллиард долларға жетті.

"Қазақстан мен Ресей арасындағы өнеркәсіптік кооперация портфеліне құны 52,7 миллиард доллар болатын 177 бірлескен жоба кіреді, бұл шамамен 60 мың жұмыс орнын құруға мүмкіндік береді. Оның ішінде 22,4 миллиард доллар тұратын 122 жоба қазірдің өзінде іске асырылды", - деп хабарлады министрлікте.

Сондай-ақ, форумда инвесторларға арналған үкіметтің ағымдағы қолдау шаралары, соның ішінде арнайы экономикалық және индустриялық аймақтарды құру мүмкіндіктері, сондай-ақ Еуразиялық экономикалық одақ шеңберіндегі кооперациялық жобаларды қаржыландыру механизмі қарастырылды.