Ұлттық қор активтері 62,7 млрд долларға жетті

Сурет: freepik.com

Қазақстан Ұлттық Банкінің Басқармасы кезекті отырысын өткізіп, ақша және валюта нарығындағы жағдайды қарады. Сонымен қатар цифрлық активтер саласындағы пилоттық жобалардың іске асырылуы туралы есеп тыңдалды.

Басқарма үш бағыт бойынша бес жобаны мақұлдады:

цифрлық активтер биржасын құру; цифрлық активтер бойынша брокерлік қызмет көрсету; ақшаға байланған цифрлық активтерді шығару және олардың айналымы.

Ұлттық қордың жағдайы:

2025 жылдың үшінші тоқсанында валюта активтері 2,5 млрд АҚШ долларына өсіп, 62,7 млрд долларға жетті; тоқсандық инвестициялық табыс шамамен 2,6 млрд долларды құрады; жыл басынан бері активтер 3,9 млрд долларға өсіп, 9 айдағы табыс 7,1 млрд доллар немесе 12,3%-ды көрсетті.

Қаржы ұйымдарына қатысты: Банкке жатпайтын қаржы ұйымдарының пруденциялық нормативтерін орындау және микрокаржы ұйымдары мен кредит бюроларының есеп беру қағидаларына өзгерістер енгізілді.

Бүгін, 14:01