Ресейдің Украинаға қатысты қызыл сызықтары әлдеқашан белгіленген Лавров

АСТАНА, 25 сәуір – Sputnik. Ресейдің Украинаға байланысты "қызыл сызықтары" бұрыннан анық белгіленген, оларды қайта нақтылау туралы айту орынсыз. Бұл туралы Ресей Сыртқы істер министрі Сергей Лавров "Ресей қоғамдық телеарнасына" берген сұхбатында айтты, деп хабарлайды РИА Новости.

"Қазіргі кезде Еуропалық Одақтың кейбір өкілдері: "Бәрібір қарастырып көрейік. Белгілі бір кезеңде, кейінірек, Ресеймен оның "қызыл сызықтарын" нақтылап, өзіміздікін көрсету үшін келіссөз жүргізуге тура келеді" деп айтып жүр. Бұл — мүлде орынсыз сөз… Оларға біздің "қызыл сызықтарымызды" нақтылау қажет деу — күлкілі", — деді Лавров.

Сергей Лавровтың айтуынша, олар әлдеқашан айқындалған.