Лавров Ресейдің Украинамен қақтығысты уақытша тоқтатудан бас тарту себебін түсіндірді

АСТАНА, 3 қыркүйек - Sputnik. Егер Ресей Украинадағы қақтығысты уақытша тоқтату туралы Батыстың идеяларымен келіссе, ол ата-бабаларына опасыздық жасаған болар еді, ресейліктер бұған дайын емес, дейді Ресейдің сыртқы істер министрі Сергей Лавров Шығыс экономикалық форумында. Бұл туралы РИА Новости жазды.

Лавровтың айтуынша, бұл мәселенің материалдық емес бөлігі де бар.

"Яғни, біз осы квазимемлекеттік, толығымен Батысқа тәуелді, бірақ ашық нацистік идеологияны қорғайтын осы нацизмнің қайта жандануына жол берсек, біз 1945 жылы нацизмді жеңген ата-бабаларымызға опасыздық жасаға болар едік", - деді Лавров.

Ол "біздің халық бұған дайын емес" дейді.

Батыс Украинадағы қақтығысты уақытша тоқтату арқылы Ресей шекарасында қауіпті сақтағысы келеді, дейді Лавров.

"Олар оны реттегісі келмейді, олар біздің шекарамызға қауіпті сақтай отырып, қақтығысты уақытша тоқтатпақ", - деді Лавров.

Дипломаттың айтуынша, Украинаның тәуелсіздігі деп танылған барлық принциптер әлдеқашан қолданыстан шығып кеткен.

Ресей АҚШ-тан Украинаның нацизмге қатысты ұстанымдары туралы сұрағанда, олар тек келіссөздерде осы тақырыпқа оралуға уәде берді, деді Лавров.

"Біз батыстық әріптестерімізбен, соның ішінде америкалықтармен әңгімелескен кезде біз бұл тақырыптарды қозғаймыз. Осындай таза нәсілшіл, нацистік іспен айналысатындарға қалай қолдау көрсетесіздер десек, олар келіссөздер кезінде осы мәселені күн тәртібіне қосамыз дейді. Бұл дұрыс емес", - деді Лавров.

Лавровтың айтуынша, "ешкім ешқашан Вашингтоннан Киев режиміне бұл мәселе бойынша сигнал жіберген емес".

Ресей СІМ басшысы Украинаның маркетплейстер және мұнай өңдеу зауыттарына соққы жасауына қатысты пікір білдірді.

"Киев режимі маркетплейстерге, мұнай өңдеу зауыттарына және басқа инфрақұрылым нысандарына соққы беру арқылы азаматтардың өмір сүру жайлылығына нұқсан келтіргісі келеді", - деді ол.

Сонымен қатар Лавров Батыс Киевтің терроистік әрекеттеріне көз жұма қарап отырғанын айтты.

"Киев режимінің террористік әрекеттері ашық түрде қолдау тауып отыр", - деді Лавров.