Рыбакина Швёнтекті ойсырата жеңіп, Australian Open 2026 турнирінің жартылай финалына шықты

Бұл кездесу әйелдер арасындағы жекелей сынның 1/4 финалында өтті. WTA рейтингінде бесінші орында тұрған Рыбакина қарсыласына еш мүмкіндік қалдырмай, матчты екі сетте аяқтады – 7:5, 6:1.

Посмотреть эту публикацию в Instagram

Публикация от Australian Open (@australianopen)

Australian Open-2026 турнирінің жартылай финалына шығу үшін қазақстандық теннисші 1 сағат 35 минут бойы күресті.

Енді Қазақстан әйелдер құрамасының көшбасшысы финал жолдамасы үшін америкалық теннисшілер Аманда Анисимова мен Джессика Пегула арасындағы ширек финалдың жеңімпазымен кездеседі.

Посмотреть эту публикацию в Instagram

Публикация от Australian Open (@australianopen)

Айта кетсек, қазіргі сәтте Елена Рыбакинадан басқа Australian Open-2026 турнирінің жекелей сынында Қазақстан теннисінің өкілі қалмады.

25 қаңтарға қараған түні 18 жастағы америкалық Ива Йович Юлия Путинцеваны ойсырата жеңді – 6:0, 6:1. Бұған дейін Зарина Дияс, Александр Шевченко және Дмитрий Попко да өз матчтарында жеңіліс тапқан еді.

Өз кезегінде, Қазақстан ерлер құрамасының көшбасшысы Александр Бубликте Алекс де Минормен ойын өрнегін көрсетіп, жеңіліп қалған болатын.