Салық есептілігін кешіктіргендерге өсімпұл есептелуі мүмкін

Қаржы министрлігінің Мемлекеттік кірістер комитеті салық төлеушілерге 2026 жылдың екінші тоқсаны мен бірінші жартыжылдығына қатысты салық есептілігін уақытында тапсыру керектігін ескертті.

Ведомствоның мәліметінше, салық есептілігі әдетте 15 тамызға дейін тапсырылуы тиіс. Алайда биыл бұл күн сенбіге сәйкес келгендіктен, заңнамаға сәйкес соңғы мерзім 17 тамыз, дүйсенбіге ауыстырылды. Осы күнге дейін салық есептілігін тапсырып қана қоймай, төленуі тиіс жекелеген салықтарды да аудару қажет.

Мемлекеттік кірістер комитеті: Салық айыппұлдарының барлығы бірдей кешірілмейді

Мемлекеттік кірістер комитеті өкілдерінің айтуынша, бұл ескерту салық төлеушілердің белгіленген мерзімді өткізіп алмауы үшін жарияланып отыр.

Егер есептілік уақытында тапсырылмаса немесе салық белгіленген мерзімде төленбесе, өсімпұл есептеліп, қолданыстағы заңнамаға сәйкес өзге де шаралар қолданылуы мүмкін.

Чекті кассада қалдырмаңыз: Мемлекеттік кірістер комитеті алаяқтықтың жаңа түрі туралы ескертті

Сондықтан комитет салық төлеушілерді есептілікті соңғы күнге қалдырмай, барлық міндеттемелерін 17 тамызға дейін орындауға шақырды.