Самокаттарға талап күшейді

Самокаттар енді ресми түрде көлік құралы ретінде танылады. Сенаторлар құқық бұзушылықтардың алдын алуға бағытталған заң жобасын және оған байланысты Әкімшілік құқық бұзушылық туралы кодекске енгізілетін өзгерістерді екі оқылымда қолдады.

Осыған орай электр самокаттарын пайдалану тәртібі қатаңдайды. Оларды жалға берушілер мен жеке кәсіпкерлер үшін міндетті сақтандыру талабы енгізілетін болды. Яғни әр самокат есепке алынып, тіркеу нөмірі тағайындалады. Тек жеке куәлігі бар азаматтарға ғана жалға беріледі. 18 жасқа толмағандарға тізгіндеуге тыйым салынады. Депутатардың дерегінше биыл самокат салдарынан 372 жол көлік оқиғасы тіркеліп, 382 адам зардап шеккен. Тағы 3 азамат ажал құшыпты.

Геннадий Шиповских, ҚР Парламенті Сенатының депутаты:

- Электро самокаттардың жалға беру қызметін реттеуге бағытталған арнайы GPS бар. Олар әрбір компанияда бар. Яғни дәл қазіргі кезде сол GPS құрылғыда абоненттік SIM-карталарды пайдаланып, орналасқан жерді анықтайды. Соның салдарынан координаттарды анықтау дәлдігі ІІМ нормативтік талаптарына көзделген шарт бойынша 1 метрден асып кетуі мүмкін екенін хабарлайды.