Сақ болыңыз : полиция айыппұл туралы SMS келсе, не істеу керектігін түсіндірді

АСТАНА, 24 мамыр – Sputnik. Қарағанды облысында айыппұлға қатысты жалған хабарламалар жіберетін алаяқтар көбейді, деп хабарлады облыстық полиция департаментінің баспасөз қызметі.

"Соңғы уақытта тұрғындарға жол полициясы департаменті атынан әкімшілік айыппұл туралы күмәнді SMS-хабарламалар жиі жіберіліп жатыр. Бұл – ақша мен жеке деректерді қолды қылғысы келетін алаяқтардың ісі", - деп ескертті полиция қызметкерлері.

Ведомство мұндай кезде не істеу керектігін түсіндірді:

күмәнді сілтемелерге өтпеңіз,

бөгде сайттарға жеке мәліметтер мен банк картасының деректерін енгізбеңіз.

Айыппұлды тек ресми дереккөздерден тексеріңіз:

qamqor.gov.kz,

eGov.kz,

Екінші деңгейлі банктердің мобильді қосымшалары.