Мобильді аударым бойынша хабарлама келсе не істеу керек?

Мемлекеттік кірістер комитеті 2026 жылдың І тоқсанындағы банктік операцияларды талдау нәтижесінде кәсіпкерлік қызмет белгілері анықталған азаматтарға ақпараттық хаттар жолдады.

Мұндай хабарлама үш ай қатарынан ай сайын жеке шотқа 100 және одан көп адамнан ақша түсіп, жалпы түсім 12 ең төменгі жалақыдан асқан және шот кәсіпкерлікке арналмаған жағдайда жіберіледі.

Комитеттің мәліметінше, бұл хат жауапкершілікке тартуды білдірмейді, тек салық заңнамасын сақтау қажеттігін ескертеді.

Егер азамат кәсіпкерлікпен айналысса, жеке кәсіпкер ретінде тіркеліп, табысын декларацияда көрсетіп, тиісті салықтарды төлеуі қажет. Ал кәсіпкерлікпен айналыспайтындар немесе сұрақтары бар азаматтар 1414 байланыс орталығына немесе мемлекеттік кірістер органдарына жүгіне алады.