Мобильді аударымдарды тексеру салықтан бақыт хатын алсаңыз не істеу керек

Қазақстанда мобильді аударымдарды тексере бастады. Қаржы министрлігі Мемлекеттік кірістер комитеті салық органдарынан хабарлама алған қазақстандықтар не істеуі керектігін еске салды, деп хабарлайды Tengrinews.kz тілшісі.

Қазақстанда мобильді аударымдарды тексере бастады. Қаржы министрлігі Мемлекеттік кірістер комитеті салық органдарынан хабарлама алған қазақстандықтар не істеуі керектігін еске салды, деп хабарлайды Tengrinews.kz тілшісі.

Мобильді аударымдарды тексеру қашан басталды?

Заң бойынша биыл 1 қаңтардан бастап банктер мемлекеттік кірістер органдарына қазақстандықтардың операциялары туралы деректерді беруге тиіс. Бірінші тоқсандағы мобильді аударымдар мен өзге де операцияларды тексеру 15 сәуірден кейін басталды. Қаржы министрлігінің хабарлауынша, камералдық бақылау және әлеуетті "тәртіп бұзушылардың" тізімін жасау жұмыстары сәуірдің аяғына дейін жалғаса береді. Содан кейін жіберуге негіз болса, қазақстандықтарға хабарламалар жіберіле бастайды.

Кімдер "тәуекел аймағында"?

Салық қызметкерлерінде мынадай негізгі үш критерийге сәйкес келетін қазақстандықтарға қатысты сұрақтар туындауы мүмкін:

мобильді аударымдар 100 және одан көп әртүрлі тұлғадан келсе; бұл жағдай 3 ай ішінде; жалпы сома 1 020 000 теңгеден асса.

Осы үш критерийдің үшеуі де бірдей сәйкес келуі маңызды. Мұндай жағдайда қазақстандыққа "мәселені" түзету қажеттігі туралы хабарлама жіберілуі мүмкін.

"2026 жылғы 10 сәуірдегі жағдай бойынша, аталған критерийлер аясында екінші деңгейлі банктерден салық органдарына мәліметтер түскен жоқ", - деп хабарлады Мемлекеттік кірістер комитеті редакцияның ресми сауалына берген жауабында.

Бұл жыл басынан бері ешкімнің үш критерийге де ілікпегенін білдіре ме, әлде банктердің барлығы бірдей салықшыларға ақпарат бермегенін бе - әзірге белгісіз.

Егер "бақыт хатын" алсаңыз, не істеу керек?

Салық органынан хабарлама алғандарға оның талаптарын орындау үшін (жіберілген күннен бастап) 30 жұмыс күні беріледі. Бұны екі жолмен жасауға болады:

Егер сәйкессіздіктермен келіссеңіз: қателерді түзету; тиісті кезең үшін дұрыс салық есептілігін тапсыру; қажет болған жағдайда - салықтар мен әлеуметтік төлемдерді төлеу; өзін-өзі жұмыспен қамтығандар үшін - деректерді қосымшада көрсету; басқа салық режиміне өткен жағдайда - қажетті әрекеттерді орындау. Егер келіспесеңіз: сәйкессіздіктердің неліктен бұзушылық емес екені туралы салық органына жазбаша түсініктеме жіберу. Егер ішінара келіссеңіз: келісетін бөлігін түзету; қалған бөлігі бойынша түсініктеме беру. Түсініктемеде не болуы керек: сіздің деректеріңіз және салық органының деректері; хабарламаның нөмірі мен күні; келіспеу себептері; күні және қолы; растайтын құжаттар (егер болса).

Маңызды: егер уақытылы жауап берілмесе немесе түсініктеме жеткіліксіз деп танылса, салық органы тексеру жүргізуі мүмкін.

Google News арқылы жаңалықтарымызды қадағалаңыз

Жазылу