Салық қызметі қазақстандықтарға бақыт хаттарын жолдады егер сіз оны алсаңыз не істеу керек

Жеке банк карталарына жүздеген адамнан аударым түсетін қазақстандықтарға салық қызметінен хабарламалар келе бастады. Ондай хат алған жағдайда не істеу керек екенін Tengrinews.kz анықтап көрді.

Жеке банк карталарына жүздеген адамнан аударым түсетін қазақстандықтарға салық қызметінен хабарламалар келе бастады. Ондай хат алған жағдайда не істеу керек екенін Tengrinews.kz анықтап көрді.

Хат кімдерге келді?

Қаржы министрлігінің Мемлекеттік кірістер комитеті мәліметінше, салық органдары ақапараты бойынша, 2026 жылдың I тоқсанындағы аударымдары кәсіпкерлік қызмет белгілеріне сәйкес келетін азаматтарға хабарламалар жіберілген.

Хаттар бір мезгілде мына үш белгі сәйкес келген қазақстандықтарға жолданды:

қатарынан үш айдың әрқайсында жеке картаға 100 және одан да көп түрлі тұлғадан ақша түскен; банк шоты ресми түрде кәсіпкерлік қызметке арналмаған; осы кезеңдегі барлық мобильді аударымның жалпы сомасы 12 ең төменгі жалақыдан (ЕТЖ), яғни шамамен 1 миллион теңгеден асқан.

Бұл ретте МКК азаматтарды сабырға шақырды.

"Мұндай хатты алу жауапкершілікке тартуды білдірмейді. Ол ақпараттық-түсіндіру сипатында болады және өз қызметін салық заңнамасының талаптарына өз бетінше сәйкестендіруге мүмкіндік береді", – деп хабарлады ведомство.

Хабарлама келген жағдайда не істеу керек?

Егер хат иесі расымен де тіркелмеген бизнеспен айналысса, салық қызметі табысты заңдастыруды талап етеді.

Ол үшін жеке кәсіпкер (ЖК) ретінде тіркеліп, тапқан табысты есептерде көрсетіп, салық төлеу қажет.

Азаматтың ағымдағы мәртебесіне байланысты есептілік мерзімдері мен нысандары әртүрлі болады:

ЖК ретінде тіркелмеген жеке тұлғалар немесе өзін-өзі жұмыспен қамтығандар үшін (мобильді қосымша арқылы чек соғылмаған сомалар бойынша): алынған табысты 2026 жылға арналған табыстар мен мүлік туралы декларацияда (270.00-нысан) көрсету қажет болады. Оны 2027 жылдың 1 қаңтары мен 15 қыркүйегі аралығында тапсыру керек, ал жеке табыс салығын (ЖТС) 2027 жылдың 25 қыркүйегіне дейін төлеу қажет. "Оңайлатылған" режимдегі ЖК үшін: табысты 2026 жылдың бірінші жартыжылдығына арналған 910.00-нысан бойынша декларацияға енгізу қажет. Есепті 2026 жылдың 1 шілдесі мен 15 тамызы аралығында тапсыру керек, ал салықты 2026 жылдың 25 тамызына дейін төлеу қажет. Жалпыға бірдей белгіленген режимдегі ЖК үшін: тапқан табыс 2026 жылға арналған 220.00-нысан бойынша декларацияланады. Тапсыру мерзімі – 2027 жылдың 1 қаңтарынан 31 наурызына дейін, салық төлеу мерзімі – 2027 жылдың 10 сәуіріне дейін. Бизнеспен айналыспаймын, бірақ маған да хабарлама келді: не істеу керек?

Егер азамат өзінің мобильді аударымдары бизнеске қатысты емес екеніне сенімді болса немесе оның сұрақтары туындаса, салық мамандары бірден 1414 байланыс орталығына немесе тікелей мемлекеттік кірістер органдарына түсініктеме алу үшін жүгінуге кеңес береді.

"Салық міндеттемелерін уақтылы орындау кейінгі салықтық әкімшілендіру процедураларының алдын алуға мүмкіндік береді. Олар орындалмаған жағдайда, салық төлеушіге камералдық бақылау нәтижелері бойынша анықталған сәйкессіздіктер туралы хабарлама жіберіледі", – деп түйіндеді Мемлекеттік кірістер комитетіндегілер.

Қаржы министрлігі 2025 жылғы 12 қарашада мобильді аударымдар бойынша жаңа критерийлер енгізді.

ЧИТАЙТЕ ТАКЖЕ

Қазақстандықтарға банк қосымшалары арқылы “сүйінші хат“ келе бастайды

Мобильді аударымдарды тексеру: қазақстандықтарға салық органдарынан хабарламалар қашан келе бастайды?