Каспийдегі қасірет: құтқарылған адамның жағдайы туралы ақпарат пайда болды

Маңғыстау облысының денсаулық сақтау басқармасы Каспий теңізіндегі оқу-жаттығу кезінде зардап шеккен әскери қызметшінің жағдайы туралы айтты, деп хабарлайды Tengrinews.kz.

Ресми мәліметтерге сәйкес, зардап шеккен әскери қызметшілердің бірі Маңғыстау облыстық көпбейінді ауруханасына жеткізілді.

"Пациент дәрігерлердің тұрақты бақылауында. Оған барлық қажетті медициналық көмек толық көлемде көрсетіліп жатыр. Қазіргі уақытта әскери қызметшінің жағдайы тұрақты ауыр деп бағаланып отыр", - делінген ресми хабарламада.

Мамандар қажетті ем-дом шараларын жалғастырып, пациенттің жағдайын бақылап отыр. Жағдай аймақтық денсаулық сақтау басқармасының бақылауында.

Еске сала кетейік, 24 қыркүйекте Маңғыстау облысында Әскери-теңіз күштерінің жаттығуы кезінде әскери қызметшілерді теңізге ағызып әкеткен. Төтенше жағдай Каспий теңізі жағалауында оқу-әскери тапсырманы орындау кезінде күн райының күрт бұзылуы мен желдің күшеюі салдарынан болған.

Алдын ала мәліметтер бойынша, теңізге 19 әскери қызметші ағып кеткен. Тоғыз адам қаза тапты, үш адам құтқарылды, олардың біреуі ауруханаға жатқызылды. Қалғандарын іздестіру жұмыстары жалғасып жатыр. Оқиға орнына құтқару қызметтері жіберілді.

Тоқаев Қазақстанда 25 қыркүйекті аза тұту күні деп жариялады

ҚАЗІР ТАЛҚЫЛАНЫП ЖАТЫР

“Бостон некесі“. Неге қазақстандық әйелдер бірге тұратын “әйел“ іздейді?

Бүгін 11:02 1

Мемлекет басшысының өкімімен Маңғыстау облысында қызметтік міндеттерін атқару кезінде әскери қызметшілердің қазаға ұшырауына байланысты Қазақстан Республикасында 2026 жылғы 25 қыркүйекте жалпыұлттық аза тұту жарияланды.

Әскери қызметшілердің қаза болу дерегі бойынша сотқа дейінгі тергеу басталды. Бұл туралы бұған дейін Қазақстанның Бас прокуратурасы хабарлаған болатын:

"Жедел тергеу тобы құрылды. Оқиға орнында ІІМ, ТЖМ және прокуратура қызметкерлері жұмыс істеп жатыр. Болған жағдайдың барлық мән-жайын жан-жақты, толық және объективті анықтауға бағытталған тергеу амалдарының кешені жүргізіліп жатыр. Қажетті сот сараптамалары тағайындалды".

Айта кетейік, Каспий теңізіндегі қайғылы оқиғадан екі күн бұрын Қазақстанның Қорғаныс министрлігі "Хазар қорғаны-2026" әскери-теңіз күштерінің оқу-жаттығуы басталғанын хабарлаған. Ведомство іс-шараның ауқымы, мақсаты мен қатысушылар құрамы туралы айтқан болатын Толығырақ мына жерден оқыңыз.

Тағы оқыңыз: Каспийдегі трагедия 11 жылдан кейін қайталанды: 2015 жылғы жаттығуда не болды

Бізді Google-дың негізгі дереккөздер тізіміне қосыңыз