Желіде Данияр Мейірханға қатысты қылмыстық іс қозғалғаны туралы ақпарат пайда болды

Қазақстан ІІМ желіде тараған Астанада Есірткі қылмысына қарсы іс-қимыл комитетінің төрағасы Данияр Мейірханға қатысты қылмыстық іс қозғалғаны туралы ақпаратқа түсініктеме берді, деп хабарлайды Tengrinews.kz.

Қазақстан ІІМ желіде тараған Астанада Есірткі қылмысына қарсы іс-қимыл комитетінің төрағасы Данияр Мейірханға қатысты қылмыстық іс қозғалғаны туралы ақпаратқа түсініктеме берді, деп хабарлайды Tengrinews.kz.

Бұған дейін әлеуметтік желілерде Данияр Мейірхан қызметтік өкілеттігін асыра пайдаланды және қызметкерге тиісті деген күдікке ілінгені туралы ақпарат тараған болатын. Оның үстінен қол астындағы 20 қызметкерден ұжымдық арыз түскені хабарланды.

ІІМ "бірқатар қызметкердің өтініші бойынша материал белгіленген тәртіппен тіркелді" деп мәлімдеді.

"Заңнамаға сәйкес әрбір өтініш міндетті түрде тіркелуге және тексерілуге жатады. Қазіргі уақытта барлық мән-жайды жан-жақты және объективті анықтау мақсатында тексеру шаралары жүргізіліп жатыр. Өзге ақпарат тексеру мүддесіне байланысты жария етуге жатпайды", - делінген құзырлы ведомствоның түсініктемесінде.

Данияр Мейірхан - полиция полковнигі. 2012-2022 жылдар аралығында Оңтүстік Қазақстан облысы полиция департаментінде бөлім бастығынан бастап басқарма бастығына дейінгі басшылық лауазымдарда қызмет атқарды.

2023 жылдан 2024 жылға дейін ІІМ Қостанай академиясында бөлім бастығынан бастап академия бастығының орынбасарына дейінгі қызметтерді атқарды.

2024 жылдың қыркүйегінен бастап - ІІМ Есірткі қылмысына қарсы іс-қимыл комитеті төрағасының орынбасары.

2024 жылдың желтоқсанынан бастап - Есірткі қылмысына қарсы іс-қимыл комитеті төрағасының міндетін атқарушы.

2025 жылдың қыркүйегінен бастап - ІІМ Есірткі қылмысына қарсы іс-қимыл комитетінің төрағасы.