Қостанай облысында шизофрениямен ауыратын ер адам көлік жүргізген

Қостанай облысы Сарыкөл ауданында прокурорлар психикалық дертіне байланысты көлік басқаруы өзіне және жол қозғалысының өзге қатысушыларға қауіп төндіретін 11 жүргізушіні анықтады, деп хабарлайды Tengri Auto прокуратура сайтына сілтеме жасап.

Мәселен, облыс тұрғыны жарамды жүргізуші куәлігімен қоғамдық жолдарға үнемі шығып тұрған. Бұл ретте ер адам шизофрениямен ауырады және ресми түрде психоневрологиялық есепте тұрады.

Прокуратураның бастамасымен сот тәртібімен барлық 11 азамат жүргізуші куәлігінен айырылды.

"Жол жүрісі туралы" заңға сәйкес, егер жүргізушінің денсаулығы нашарласа және бұл басқалардың қауіпсіздігіне қауіп төндірсе, оның көлікті басқару құқығы тоқтатылуы керек.
Бұған дейін Денсаулық сақтау министрлігі мен ІІМ жүйелері біріктірілгеннен кейін 10 мың қазақстандық жүргізуші куәлігінен айырылғаны туралы жазған едік. Бұған медициналық қарсы көрсетілімдер негіз болған.

Бізді Google-дың негізгі дереккөздер тізіміне қосыңыз