​SCAT ұшағы Оманда шұғыл қонды

SCAT авиакомпаниясының Мәдинадан Алматыға ұшып бара жатқан ұшағы жолаушылардың бірінің денсаулығы кенеттен нашарлауына байланысты Оманға қонуға мәжбүр болды. 

Авиакомпания хабарлағандай, азаматқа алғашқы медициналық көмек борттың өзінде көрсетілген. Дегенмен, әрі қарай білікті медициналық бақылау қажет болғандықтан, әуе кемесінің командирі қосалқы аэродромға бағыт алу туралы шешім қабылдады.

Маскат қаласына қонғаннан кейін жолаушы жергілікті медицина қызметкерлеріне тапсырылды. NUR.KZ мәліметінше, ол емделу үшін Оманда қалған.

Қалған жолаушылар Алматыға қарай ұшуды әрі қарай жалғастырды. Ауруханаға түскен жолаушының қазіргі жағдайы туралы ақпарат берілген жоқ.

Кеше, 17:19