Шанхай ынтымақтастық ұйымына 25 жыл

АСТАНА, 15 маусым - Sputnik. Шанхай Ынтымақтастық Ұйымы 2001 жылы 15 маусымда құрылды.

Ұйымға 10 мемлекет мүшелік етеді, олардың аумағы шамамен 36 миллион шаршы метр. Бұл —бүкіл Еуразияның үштен екісі. Мұнда планета халқының жартысы тұрады, ал одақ елдері әлемдік жалпы ішкі өнімнің төрттен бірін өндіреді.

Бұл бірлестік 1996 жылы құрылған "Шанхай бестігінен" бастау алады. Бастапқыда оның құрамында бес мемлекет (Қазақстан, Қытай, Қырғызстан, Ресей және Тәжікстан) болған. 2001 жылы Өзбекстан қосылып, Шанхай ынтымақтастық ұйымы (ШЫҰ) ресми түрде құрылды. Кейін Үндістан, Пәкістан, Иран және Беларуссия қосылды.

ШЫҰ-ның негізгі міндеттерінің бірі - өңірдегі бейбітшілікті, қауіпсіздік пен тұрақтылықты қолдау және нығайту. Жаңа демократиялық, әділ және ұтымды саяси және экономикалық халықаралық тәртіпті құруға жәрдемдесу жолында көпсалалы ынтымақтастықты дамыту.

ШЫҰ-ға мүше мемлекеттер жоғары орган басшыларының кеңесі - ұйымның ең басты шешімдерін қабылдайды. Ол ұйымның басымдықтарын айқындап, қызметінің негізгі бағыттарын әзірлейді. Оның ішкі құрылымы басқа мемлекеттермен және халықаралық ұйымдармен өзара іс-қимылының қағидаттық мәселелерін шешеді. Сондай-ақ неғұрлым өзекті халықаралық проблемаларды қарайды. Кеңес жылына бір рет кезекті отырыстарға жиналады.

Мемлекет басшылары кеңесінің отырысында кезекті отырысты ұйымдастырушы мемлекет басшысы төрағалық етеді. Кеңестің кезекті отырысын өткізу орны, әдетте, ШЫҰ-ға мүше мемлекеттер атауларының орыс әліпбиі тәртібімен айқындалады.

25 жыл ішінде Шанхай Ынтымақтастық Ұйымы шекара Одағынан әлемдік ықпалдың қуатты орталығына айналды. Елдер шекараны қорғап қана қоймай, терроризммен бірге күресіп, энергетиканы дамытып, жаңа көлік жолдарын дамытып жатыр.