Шэньчжоу 21 кемесінің экипажы алғаш рет ашық ғарышқа шығуға дайындалып жатыр

1 қараша күні «Шэньчжоу-21» экипажы қытайлық орбиталық станцияға келген сәттен бастап бірқатар маңызды міндеттерді орындады. Олардың қатарында экипажды ротациялау, станция платформасына техникалық қызмет көрсету, арнайы қорларды тексеру және ретке келтіру, сондай-ақ экипаждың өмірі мен денсаулығын қамтамасыз ету шаралары бар.

CMSA мәліметінше, экипаж төтенше жағдайларға әрекет ету бойынша жаттығулар өткізген, сондай-ақ станциядағы роботтандырылған манипуляторлармен жұмыс істеуді пысықтаған.

Ғылыми тәжірибелер мен зертханалық жұмыстар жоспарға сәйкес тұрақты түрде орындалып жатыр.

«Шэньчжоу-22» кемесі келгеннен кейін экипаж жаңа жеткізілген жабдықтар мен жүк партиясын сынақтан өткізіп, оларды жүйеледі.

CMSA хабарлауынша, «Шэньчжоу-21» экипажы өздерін жақсы сезінеді, ал станция қалыпты режимде жұмыс істеп тұр. Бұл ашық ғарышқа жоспарланған шығуды қауіпсіз орындауға толық мүмкіндік береді.

Айта кетейік, бұған дейін Қытай «Шэньчжоу-22» ғарыш кемесін ұшырған болатын.