Шұғыл ауруханаға жатқызылды әнші МакSим Павлодарға келуден бас тартты

Ресейлік әнші МакSим Павлодардағы Қала күніне арналған концертте өнер көрсетпейді. Әкімдіктің хабарлауынша, әртіс ауруханаға жатқызылған, ал оның орнына бағдарламаға Светлана Лобода мен Misha Marvin қатысады деп хабарлайды Tengri Life.

Ресейлік әртістің келмейтінін Павлодар қаласы әкімінің орынбасары Светлана Гладышева мәлімдеді. Шенеуніктің айтуынша, әнші денсаулығының нашарлауына байланысты келуден бас тартқан.

"Өкінішке қарай, хедлайнерлердің бірі ретінде жарияланған әнші МакSим кеше кешке шұғыл ауруханаға жатқызылды және денсаулығына байланысты Павлодарға келіп, концертте өнер көрсете алмайды", - деді Гладышева павлодарлықтарға.

Instagram-дағы бұл жарияланымды көру

Павлодар Қаласының Әкімдігінен жарияланым (@pavlodar_akimdigi)

Кейінірек танымал әнші өз парақшасында жазба жариялап, онда Павлодарда өнер көрсете алмайтынын растады.

Instagram/maksimartist скриншоты

Айта кетейік, осыдан 4 күн бұрын Марина Абросимова (әншінің есімі) Instagram парақшасында әкесінің қайтыс болғанын хабарлаған болатын.

"Әкемнен 4-ші сатыдағы қатерлі ісік анықталғанда, дәрігерлер оның бір жылдан артық өмірі қалмағанын айтқан еді. Бірақ ол болжамның әрдайым үкім емес екенін дәлелдеді. Ол тағы 14 бақытты жыл өмір сүрді. Өкінішке қарай, ауру бәрібір жеңді. Жатқан жерің жайлы болсын..." - деп жазды МакSим.

Анықтама: 2021 жылы әнші МакSим вирустық инфекциядан кейінгі өкпе ауруын ауыр өткерген болатын. Ол пневмониямен және өкпесінің зақымдануымен ауруханаға жатқызылып, кейін жасанды тыныс алу аппаратына қосылып, бірнеше апта жансақтау бөлімінде жатты.

Instagram-дағы бұл жарияланымды көру

ГЛАВНАЯ СЦЕНА | КОНЦЕРТЫ | ПАВЛОДАР парақшасынан жарияланым (@promenade_ertis)

Павлодар әкімдігі алдағы мерекелік концертте хедлайнердің орнына басқа әртістер табылғанын хабарлады. МакSимнің орнына қала тұрғындары алдында Светлана Лобода мен Misha Marvin өнер көрсетеді.

МакSимнің мерекелік концертке шақырылған жұлдыздардың бірі болатынын Павлодар әкімі Хасар Хабылбеков 21 шілдеде хабарлаған еді.

Айта кетейік, Павлодар қала мәртебесін 1861 жылы алған, ал осы жылдың 25 шілдесінде павлодарлықтар сүйікті қаласының 165 жылдығын атап өтеді.

Google News арқылы жаңалықтарымызды қадағалаңыз