Шығыс Қазақстанда көлік терезесінен денесін шығарғандар жазаланды

АСТАНА, 18 қыркүйек – Sputnik. Шығыс Қазақстан облысында жол жүру ережесін өрескел бұзған азаматтар жазаланды, деп хабарлады Ішкі ітер министрлігі.

Әлеуметтік желілерде жолаушылардың көлік терезелерінен денелерін шығарып тұрған бейнежазбасы тарады. Қауіпті кадрлар полиция қызметкерлерінің назарына ілікті.

"Мұндай әрекет жол қозғалысы ережелерін бұзып қана қоймай, жолаушылардың өздері мен жол қозғалысына қатысушылардың өмірі мен қауіпсіздігіне қауіп төндіреді", - дейді полицейлер.

Полиция қызметкерлері бейнежазбадағы азаматтарды анықтап, тиісті шаралар қабылдады. Жүргізушілер жолаушыларды тасымалдау, оның ішінде оларды көлік салонынан тыс тасымалдау талаптарын бұзғаны үшін әкімшілік жауапкершілікке тартылды.

Сонымен қатар жүріп келе жатқан көліктен денелерін шығарғаны үшін жолаушылар да жауапкершілікке тартылды.