Шығыста қасқыр маза бермей тұр

Шығыста қасқыр жанға да, малға да маза бермей тұр.

Бұған дейін қоңыр аюдан құтылған шаруалар енді түз тағысымен әлек.

Қасқырды өзі атуға бола ма, болмай ма деп жүргенде әр шаруашлық кемінде 5 бастан айырылған. Енді бұлай кете берсе, құтырып адамға да шабуы мүмкін деп қауіптенеді жұрт. Енді қайтпек керек? 

Биыл елде жануарлар санын реттеу үшін қасқыр аулауға рұқсат берілді. Алайда түз тағысы азаяр емес. Жайлаудан жапырыла көшіп, енді ес жиған ағайынды қыстауда қасқыр қысып отыр. Мәселен ит-құс шығыста бір ғана қожалықтың өзіңде бір отар қойды жоқ қылған.

Айқын Айболатов, шаруа қожалығының иесі

Абай облысында түз тағысын жедел азайту мүмкін болмай тұр. Жауаптылардың айтуынша, 2023 жылы аймаққа арнайы аңшылар тартылып, оларға тіпті қару-жарақ, оқдәрі де берілген. Алайда екі жылдық күрестің нәтижесі мардымсыз. Енді Абай ауданының кәсіпкерлері түз тағысын аулағандарға сыйақы тағайындап отыр.  

Мейіржан Смағұлов, Абай ауданының әкімі: 

- Биыл елде 5504 қасқыр аулануы тиіс. Алайда бүгінге дейін нақты қанша түз-тағысы құрықталғаны жайлы ақпарат жоқ. Ал келер жылы 5,5 мыңнан аса азулыны соғуға рұқсат береміз дейді, жауаптылар.

Бақытжан Исахаев, жануарлар дүниесі және аңшылық шаруашылық басқармасының бас сарапшысы: 

- Қасқырды қалай аулаймыз? Ол үшін алдымен аңшылық куәлігіңізбен мылтығыңыз болу керек. Кез келген ұсақ аңды атуға лицензиясы бар аңшы қасқыр соғуға құқылы. Десе де, биылғы рұқсат бойынша бір адам 3 басты ғана ата алады. Иә, есепсіз жоюға тағы болмайды. Өйткені қасқыр дала санитары екенін естен шығармауымыз керек. 

Әлішер Әли