​Си Цзиньпин мемлекеттік сапармен​ Солтүстік Кореяға келді

Ким Чен Ын және Си Цзиньпин Бейжіңде, 2025 жылғы қыркүйек/Сурет: China Daily/REUTERS

ҚХР Төрағасы Си Цзиньпин Солтүстік Кореяға екі күндік мемлекеттік сапармен келді. Бұл қытайлық көшбасшының 2026 жылғы алғашқы шетелдік сапары және оның Пхеньянға 2019 жылдан бергі алғашқы келуі, деп хабарлайды Deutsche Welle.

Пхеньянның халықаралық әуежайында Си Цзиньпин мен оның жұбайы Пэн Лиюаньді Корея Еңбек партиясының бас хатшысы, КХДР Мемлекеттік істер төрағасы Ким Чен Ын жұбайы Ли Соль Чжумен бірге жеке өздері күтіп алды, деп хабарлайды Қытайдың «Синьхуа» мемлекеттік ақпарат агенттігі.

Сапар Солтүстік Корея тарабының ресми шақыруымен өтіп жатқаны хабарланды.

Келіссөздердің басты тақырыптары

Сапарының қарсаңында Си Цзиньпин Солтүстік Кореяның басты басылымы — Rodong Sinmun газетінің беттерінде авторлық мақаласын жариялады. Онда Аспан асты елінің жетекшісі Ким Чен Ынмен кездесуді асыға күтетінін атап өткен.

«Біз екі ел арасындағы дәстүрлі достықты талқылауды, сондай-ақ екіжақты қарым-қатынастарды бірлесіп дамыту мәселелері бойынша пікір алмасуды жоспарлап отырмыз», — деп мәлімдеді ҚХР Төрағасы.

Экономикалық және саяси контекст

AFP агенттігі атап өткендей, Қытай тарихи тұрғыдан Солтүстік Кореяның басты сауда, экономикалық және дипломатиялық серіктесі болып қала береді және халықаралық оқшаулану жағдайында Пхеньянға іс жүзінде қолдау көрсетіп келеді.

Еске сала кетейік, КХДР-ға қарсы өзінің ұлттық ядролық бағдарламасын дамытуына байланысты көптеген жылдар бойы қатаң халықаралық санкциялар қолданылып келеді. Сонымен қатар, сарапшылар соңғы жылдары Солтүстік Корея Ресей Федерациясымен де дипломатиялық және әскери қарым-қатынастарын айтарлықтай нығайтқанын баса айтады.

Бүгін, 17:45