Стримингтік платформа деректі фильм өндірісіне құлықсыз режиссер Ринат Балғабаев

Қазақстандық режиссер тұрмыстық зорлық-зомбылық, депрессия, лудомания, есірткі саудасы тақырыптарына арналған деректі фильмдерімен танымал. Оның «Беги», «Одержимость», «Горгона», «Затмение» туындылары әлеуметтік желіде көп қаралым жинап, қоғам талап еткен құқықтық өзгерістерге бастады.

– Деректі фильмдер жарық көргеннен кейін билік тарапынан қозғалыс болды. Мысалы, қылмыстық кодексте «жыныстық бопсалау» термині пайда болды. Оған дейін жыныстық бопсалау жасағандар көбіне әкімшілік жазамен құтылатын, – деді Ринат Балғабаев.

Режиссердің сөзінше, оның деректі фильмі әсер еткен саланың бірі – есірткі саудасы. «Закладка» атты фильмінен кейін өзге авторлар аталған тақырыпта төрт туынды түсірген. Нәтижесінде есірткі саудасына қатысты қылмыстардың жаза мерзіміне өзгеріс енді.

Қазір отандық деректі фильмдердің басым дені тек әлеуметтік желілерде қолжетімді. Ауқымды стримингтік платформаларда деректі фильмдер тізбегін табу қиын. Ринат Балғабаев мұндай үрдістің себебі сұраныстың аздығына байланысты деген ой айтты.

– Қазақстанда шетелдік және отандық стримингтік платформалар жеткілікті. Олардың қатары жыл санап артып келеді. Алайда платформаларда деректі фильм көбеймей отыр. Себебі стримингтік платформалар дайын өнімді қалайды, контент өндірісіне қаржы құйғысы жоқ. Оның үстіне эксклюзивті контент болғанын талап етеді, демек өзге әлеуметтік желілерде жарияланбауы керек. Осы нарық ережесі саланың дамуына тежеу болуда, – деді автор.

Айта кетейік, бұған дейін Marwin/Meloman дүкендері желісінде өтіп жатқан «BOOKFEST-2025» фестивалінде тарихшы Жақсылық Сәбитов Алтын Орда тарихы туралы ой бөліскен еді.

Сондай-ақ қаламгер Баянғали Әлімжановтың балаларға арналған «400 тәтті тақпақ» атты тақпақтар жинағының таныстырылымы өтті.