Тайландта ер адам жақындарын тағаммен таң қалдырмақ болып, оғаш себеппен қаза тапты

Таиландта 59 жастағы ер адам бүгелек (аралардың бір түрі) шабуылынан қаза тапқан. Ол көршісімен бірге күріш алқабына дәстүрлі тағам дайындау үшін ұядан дернәсіл алуға барған. Ер адамдар жәндіктерді ұядан түтінмен айдап шықпақ болғанда, абайсызда оларды мазалап алған, деп хабарлайды Tengri Travel.

Шабуылдан кейін ер адам бастапқыда ауруханаға барудан бас тартқан. Кейінірек оның жағдайы күрт нашарлап кеткен.

Қайғылы оқиға Накхонпханом провинциясында болған. 59 жастағы Критсада Маничай көршісімен бірге бүгелек дернәсілдерін жинау үшін күріш алқабына бет алған.

WorkpointNews23 өзінің YouTube-арнасында ер адамдар қорғаныс киімдерін кимегенін хабарлады. Олар ағашқа шығып, құрғақ бұтақтардан жасалған алаудың көмегімен жәндіктерді ұясынан түтінмен айдап шығуға тырысқан.

Осы сәтте таяқтың ұшы ұяға тиіп кеткен. Ұядан алдымен аналық ара, содан соң ер адамдарға тап берген қалың аралар тобы ұшып шыққан.

Жәндіктерден қашқан екеуі де ағаштан секіріп түскен. Көршісін ара бірнеше жерден шақса, Критсада әлдеқайда ауыр жарақат алған.

Үйіне оралғаннан кейін Критсада ара шаққан жерлерінің ауырсынуына шағымданған. Кешкісін ол 61 жастағы жұбайы Байси Симмадан зақымдалған жерлерге бальзам жағып беруін өтінген.

Әйелі күйеуі үшін алаңдап, дәрігерге көрінуге көндірмек болған, бірақ ол бас тартқан. Байсидің айтуынша, ер адам "өлімнен қорықпайтынын" мәлімдеген.

Түнде оның жағдайы күрт нашарлаған. Критсаданың іші өтіп, қатты әлсіздік пайда болған.

Сол кезде әйелі құтқарушыларды шақырған. Ер адам Накхонпханом ауруханасына жеткізілгенімен, дәрігерлер оны аман алып қала алмады.

Айта кетейік, жақында Үндістанда орман шаруашылығы департаментінің қызметкерлері жаралы қабыланды құтқаруға келген болатын, алайда жануар оларды мүлдем күтпеген жағдайда қарсы алды. Операция кезінде жыртқыш кенеттен мамандардың біріне тап беріп, оны жерге құлатқан.

Тағы оқыңыз: Танымал әнші мінген ұшақ қонғаннан кейін өртеніп кетті: алғашқы кадрлар

Бізді Google-дың негізгі дереккөздер тізіміне қосыңыз