Тайвань Қытай шабуылынан қауіптенеді

Тайвань Қытай шабуылынан қауіптенеді. Сондықтан соғысқа дайындықты бастап кетті.

Билік әр отбасыға арнайы жадынама таратпақ. Онда төтенше жағдай кезінде, соның ішінде Қытай әскер кіргізсе, не істеу керектігі бүге-шүгесіне дейін жазылған. Тіпті жау әскерін ажырату, жасырынатын орындарды іздеу, капитуляция туралы жалған ақпарды қалай анықтау керектігіне дейін тізіп көрсетілген. Арнайы жадынама 9 млн 800 мың отбасыға таратылмақ. Ағылшын және өзге де тілдерге  аудырылған нұсқасы әзірленген. Қытай Тайваньды өз аумағы деп санайды. Ал Тайвань үкіметі бұған үзілді-кесілді қарсы.

Шен Вэй-Чи, Тайвань Қорғаныс агенттігінің директоры:

- Қарттар онлайн материалдарды жүктеп, оқи алмайды. Сондай-ақ төтенше жағдай кезінде интернет және электр қуаты өшіп қалуы мүмкін. Сондықтан қауіпсіздік ережелері жазылған кітапшаны басып шығарып, таратқан жөн деп санаймыз.