Танымал әнші ұшақтағы жолаушыға ерекше сабақ берді

Америкалық кантри-әнші Джесси Джеймс Декер әуе сапары кезіндегі ерекше оқиғадан кейін жұрт назарына ілікті. Әртіс шынтақшасына аяғын қойған жолаушының мәселесін өзі шешуге бел буған, деп хабарлайды Tengri Travel.

Видео

Әнші болған жайттың видеосын Instagram-да жариялады. Кадрларда оның мұрнын қолымен басып, кейін шынтақшасында жатқан жолаушының жалаң аяғын көрсетіп тұрғанын көруге болады.

"Ұшақ бортында біреудің аяғынан өте жағымсыз иіс шығып жатыр", - делінген видеодағы жазбада.

Instagram-дағы бұл жазбаны көру

A post shared by Jessie James Decker (@jessiejamesdecker)

Осыдан кейін әнші спрейін шығарып, оны әлгі аяққа сепкен. Бейнежазбаға қарағанда, әлгі жолаушы аяғын дереу жинап алған.

"Мені айыптамас бұрын... Менің орнымда болсаңыз, сіз не істер едіңіз?" - деп жазды Декер жарияланым астына.

Видео 3 миллионнан аса қаралым жинап, әлеуметтік желілерде қызу пікірталас тудырды. Кейбір пайдаланушылар әншіні қолдап, оның әрекетін дұрыс деп санаса, басқалары оның реакциясын тым дөрекі деп есептеді.

Анықтама: Джесси Джеймс Декер - кантри-поп жанрындағы америкалық әнші, әндер авторы, тележүргізуші және кәсіпкер. АҚШ-та оған отбасылық реалити-шоу үлкен танымалдылық әкелді. Тек Instagram-ның өзінде оған 4,4 миллионнан аса пайдаланушы жазылған.

Бортта өзін-өзі ұстау ережелері

Бұған дейін FlyArystan әуекомпаниясы ұшақ бортындағы мұндай мінез-құлық жолаушыларды тасымалдау ережелерін бұзу деп саналуы мүмкін екенін хабарлаған болатын.

Әуе тасымалдаушысы сол кезде мұндай жағдайлар туындағанда экипажға жүгіну қажет екенін атап өтті.

Азаматтық авиация комитетінің мәліметінше, әуекомпания жолаушы келесі жағдайларда тасымалдаудан бас тартуға құқылы:

ұшу алдындағы тексеруден өтуден бас тартса; ережелерді бұзса немесе ұшу қауіпсіздігіне қатер төндіретін әрекеттер жасаса; өз денсаулығына, басқа жолаушылар мен экипаждың қауіпсіздігіне немесе мүліктің сақталуына қауіп төндіруі мүмкін алкогольдік, есірткілік немесе токсикоманиялық мас күйде болса; әуе кемесі бортында өз міндеттерін орындамаса; әуекомпания ұшуға шектеу қойған тұлғалардың тізіліміне енгізілсе.

Айта кетейік, ұшақ бортында басқа жолаушылардың жеке кеңістігін құрметтеу және гигиена ережелерін сақтау маңызды. Айналадағылардың жайлылығын ескеріп, тек өз орныңызды иелену және қолайсыздық немесе жанжал тудыруы мүмкін әрекеттерден аулақ болу қажет.

Тағы оқыңыз: “Ашық-шашық және әдепсіз“: жолаушыларды қандай киімі үшін рейстен түсіруі мүмкін?

Бізді Google-дың негізгі дереккөздер тізіміне қосыңыз

Қосу