Танзанияда шеру қақтығысқа ұласты

Танзаниядағы даулы сайлаудан кейін елде жаппай наразылық басталды.

Полиция жиналған жұртты тарату үшін жарық-шулы гранаталар қолданды. Көшелерді көзден жас ағызатын газ басып, адамдар үрейден жан-жаққа қашты. Кейбіреулер жараланғандарды алып шығуға тырысты. Соған қарамастан полиция оқ атуды тоқтатпады. Наразылықтардың ауқымы кеңейгендіктен, елде интернет желісі үзіліп, байланыс қиындады. Осыған байланысты кей қалаларда коменданттық сағат енгізілген.