Тарихты талқылау сәнге айналмауы тиіс

Тарихты талқылау сәнге айналмауға тиіс.

Қасым-Жомарт Тоқаев Түркістан газетіне берген сұхбатында осылай деді. Мемлекет басшысы: "Елде түрлі подкасттар, фильмдер, мақалалар мен кітаптар шығып жатыр. Әрине халықтың төл шежіресін тануға деген қызығушылығын түсінуге болады. Жалпы бұл құптарлық дүние", деді. Алайда өкінішке орай, мемлекетке кесірі тиетінін жете түсінбей, көпшіліктің көңілін табу үшін ойдан шығарылған деректер мен жалған ақпарат тарататын, халқымыздың басынан өткен қиындықтарға өзге жұртты кінәлайтын тарихшысымақтар пайда болғанын айтты. Жұрт олардың сандырағына сеніп, өткен дәуірдің жалған батырларын ұлықтай бастады. Мұның соңы жақсылыққа апармайды. Бұл ақиқат жолы емес, керісінше "жалған түсінік туғызатын теріс жол" деді, Қасым-Жомарт Тоқаев.

ЦИТАТА: Қ. Тоқаев - ҚР Президенті

Кез келген елдің, соның ішінде біздің де төл тарихымызда қайшылыққа толы оқиғалар мен ақиқатынан аңызы басым тұлғалар жетіп артылады. Тарихи деректерді бұрмалау, халыққа жасаған еңбегі күмәнді, яғни нақты мәліметтермен немесе құжаттармен дәлелденбеген адамдарды шамадан тыс ұлықтап көрсету мен үшін мүлде ақылға қонбайтын нәрсе.