Таза көмір технологиясын енгізу керек Қасым Жомарт Тоқаев

Мемлекет басшысы энергетика саласы мамандарын кәсіби мерекесімен құттықтау салтанатында Қазақстанның табиғи ресурстарын дұрыс пайдалана білу керегін айтты, – деп хабарлады Аikyn.kz сайты Akorda-ға сілтеме жасап. 

Президенттің пікірінше, біз электр қуатын басқа елдерден сатып алмауымыз керек. 

– Түптеп келгенде, бұл – ұлттық қауіпсіздік мәселесі. Бұдан бөлек, еліміздің зор энергетикалық мүмкіндігін тиімді қолдану қажет. Мысалы, Қазақстан – көмірге бай ел. Жыл сайын 110 миллион тоннадан астам көмір өндіріледі. Осы стратегиялық артықшылықты дұрыс пайдаланған жөн.  Біз заманауи үлгідегі «таза көмір» технологиясына тезірек көшуіміз керек. Сол арқылы көмір стансаларының тиімділігін арттыра түсеміз. Бұдан бөлек, Курчатов қаласында жылу электр стансасын, Көкшетау, Семей, Өскемен қалаларында жылу электр орталықтарын салу қажет. Осы нысандардың барлығына «таза көмір» технологиясын енгізу керек. Шындығын айтсақ, бұл жобалардың жүзеге асуы әбден созылып кетті. Енді ары қарай күтуге болмайды, – деді Қасым-Жомарт Тоқаев.