Теміртауда жолаушылар мінген автобус жол апатына түсті

АЛМАТЫ, 23 сәуір – Sputnik. Қарағанды облысы Теміртау қаласында автобус жол апатына түсті, деп хабарлайды облыстық полиция департаментінің баспасөз қызметі.

Оқиға 23 сәуір сағат 08:40 шамасында болған. Ішінде жолаушылары бар автобус бағанаға соғылған.

"45 жастағы жүргізуші рөлге ие бола алмай бордюрге, сосын бағдаршамның металл бағанасына соғылған", - дейді полиция.

Жол апаты кезінде автобус салонында 20-ға жуық жолаушы болған. Төрт адам медициналық мекемеге жатқызылды.

Қазіргі уақытта тергеу жүріп жатыр.