Теңге доллар мен рубльге шаққанда нығайды

22 сәуірде Қазақстан қор биржасындағы (KASE) сауда-саттық қорытындысы бойынша ұлттық валюта негізгі әлемдік валюталардың барлығына қатысты нығаю көрсетті, деп хабарлайды Tengеnomika.

Күндізгі сессия қорытындысы бойынша американдық валюта бағамы 0,27 пайызға төмендеп, 463,50 теңгені құрады. Бұл ретте нарық қатысушыларының белсенділігі жоғары болды — операциялар көлемі 364 миллион долларға жетті.

Еуропалық валюта да арзандады. Еуро бағамы 0,51 пайызға төмендеп, 544,09 теңге болды. Бұл жұп бойынша сауда-саттық көлемі 2 миллион еуродан сәл асты.

Теңге ресейлік рубльге қатысты да нығайды. Орташа өлшемді бағамы 6,18 теңге деңгейінде қалыптасты (-0,12 пайыз). Ресей валютасымен сауда-саттық көлемі 5,2 миллиард рубльден асты.

Қытай юаны 0,34 пайызға арзандап, 67,89 теңге белгісінде жабылды. Сауда-саттық көлемі 319 миллион юаньды құрады.

Бүгін, 09:45