Терезеге жағылған қанды көрдік : Талғардағы қанды оқиға туралы тұрғындар не дейді

АЛМАТЫ, 19 қаңтар – Sputnik. Алматы облысының Талғар ауданындағы Рысқұлов ауылында болған қанды оқиғаға 5 күн өтті. Тұрғындар әлі де ес жия алмай отыр. Sputnik Қазақстан тілшісі оқиға болған ауылға барып қайтты.

14 қаңтарда Рысқұлов ауылының 45 жастағы тұрғыны өзімен бірге тұратын 38 жастағы әйелді пышақтап өлтірген болатын. Олар заңды некеде болмаған. Марқұм туралы ауыл тұрғындарының пікірі жақсы. Тіпті күдікті туралы да жаман айтқан адам жоқ.

"Ешбір жаман аттарын естіген емеспіз. Тәп-тәуір отбасы болған. Ері мен әйелі ылғи қол ұстасып бірге жүретін. Серуенге шыққанда да, дүкенге барғанда да қол ұстасып, жұптары жазылмайтын", - дейді көршісі Ақлима (аты-жөні өзгертілген).

Түнде болған қанды оқиғаны көрші-қолаң түс кезінде естіген.

© Sputnik / Айдана ДайыроваАлматы облысындағы Рысқұлов ауылы

Алматы облысындағы Рысқұлов ауылы

© Sputnik / Айдана Дайырова

"Полиция қаптап кетті. Не болды десек, әйелді өлтіріп кетіпті деп жатыр. Ол келіншектің артық жүрісі болмайтын, өзі аспаз болып істейтін. Күйеуі қара жұмыста, құрылысшы деп естігенбіз", - дейді тұрғындар.

Марқұм ата-анасының дәл іргесінде тұрады. Үйде болған жанжалды олар да естімеген.

"Марқұмның денесі сол қылмыс болған үйден шығарылды. Келімді-кетімді кісіні де сол үйде күтті. Біз барып көмектестік. Сонда бір бөлменің терезесінен жағылған қанды көрдік. Есігі де былғаныпты, бірақ сүртіп тазалаған", - дейді Ақлима.

Әйелді өлтіргенде оның бес жасар қызы ұйықтап жатқан.

© Sputnik / Айдана ДайыроваАлматы облысындағы Рысқұлов ауылы

1/2

© Sputnik / Айдана Дайырова

Алматы облысындағы Рысқұлов ауылы

© Sputnik / Айдана ДайыроваАлматы облысындағы Рысқұлов ауылы

2/2

© Sputnik / Айдана Дайырова

Алматы облысындағы Рысқұлов ауылы

1/2

© Sputnik / Айдана Дайырова

Алматы облысындағы Рысқұлов ауылы

2/2

© Sputnik / Айдана Дайырова

Алматы облысындағы Рысқұлов ауылы

"Сағат түс кезінде ести салып барып едім, әке-шешесі жоқтап отыр екен. Сол кішкентай 5 жасар жиені келіп, нағашы ата-апасына айтқан. Нағашы апасы "жиенім келіп, мамам ауырып қалды деді. Барсам қызымды өлтіріп кетіпті. Есікті кілттеп, кілтті лақтырып кетіпті, тауып алдық" деді", - дейді Гүлайша есімді көрші әжей.

Көршілерінің айтуынша, күдікті ер адам Қарақалпақ жерінен көшіп келген. Бұл туралы марқұмның сіңлісі де айтты.

"Қарақалпақтан келген азамат. Бұл жақта ешкімі жоқ, туыстарының бәрі сол жақта тұрады. Марқұм болған кісі менің туған әпкем. Бірақ қандай да бір ақпарат айтқымыз келіп тұрған жоқ. Полициядан ешбір ақпарат бермеуді сұрағанбыз. Бірақ БАҚ өкілдері біздің рұқсатымызсыз ақпарат таратып жіберді", - дейді марқұмның Назира есімді сіңлісі.

Оқиға орнынан қашып кеткен күдікті ұсталып, қамауға алынды.

"Рысқұлов ауылының тұрғынын өлтірді деген күдікпен 45 жастағы ер адам қамауға алынды. Отбасылық жанжал кезінде ауыл тұрғыны азаматтық некедегі жұбайына екі рет пышақ салған. Салдарынан бірнеше сағаттан кейін жәбірленуші қайтыс болған", - дейді Алматы облыстық полиция департаменті.

Қазір қылмыстық оқиғаға қатысты тергеу жүріп жатыр.