Тимур Сүлейменов: бөтен елдің валюта бағамына ерекше көңіл бөлудің қажеті жоқ

- Көшедегі ақпараттық таблоны валюта бағамындағы құбылмалы жағдаймен күресу үшін алған жоқпыз, яғни бұл жайында осыған дейін айтқан едік. Себебі валюта бағамын интернет арқылы онлайн режимде көруге болады, сондай-ақ бұқаралық ақпарат құралдары да күніне бірнеше рет жариялап жатыр, - деді Т. Сүлейменов Ұлттық банкте өткен баспасөз мәслихатында.

Осы орайда ол шетелдік валютаның бағамы Қазақстандағы ең басты қаржы тетігі емес екенін атап өтті.

- Қазір сауда-транзиттік экономика емеспіз, бұдан баяғыда кеткенбіз. Бұл тұрғыда бізге күнделікті өмірімізде доллар керек емес. Менің ойымша, бөтен елдің валюта бағамына қатысты ерекше көңіл бөлудің қажеті жоқ. Жалпы, доллар бағамына болжам жасамаймыз, бұған тыйым салынған, - деді ҰБ басшысы.

Еске салсақ, биыл қыркүйек айының басында елде көшедегі валюта таблосына тыйым салынды. 

Осы орайда Қазақстанда валюта бағамы туралы ақпараттық стенд (табло) айырбастау пункітінің ішінде немесе касса жанында болуы керек.

Бұған дейін бүгін ақша айырбастау орындарында доллар қаншадан саудаланып жатқанын жазған едік.