ТМД арнайы қызметтерінің басшылары ынтымақтастықты кеңейту туралы меморандумға қол қойды

АСТАНА, 17 қазан – Sputnik. Самарқанда барлау қызметі мәселелері бойынша ТМД-ға мүше мемлекеттердің қауіпсіздік және барлау органдары басшыларының ХХI кеңесі өтті.

© Photo : Исполком СНГТМД-ға мүше мемлекеттердің қауіпсіздік және барлау органдары басшыларының ХХI кеңесі

ТМД-ға мүше мемлекеттердің қауіпсіздік және барлау органдары басшыларының ХХI кеңесі

© Photo : Исполком СНГ

ТМД Атқару комитетінің хабарлауынша, іс-шараға:

Қазақстан;

Ресей;

Әзербайжан;

Армения;

Беларусь;

Қырғызстан;

Тәжікстан;

Түрікменстан;

Өзбекстан арнайы ведомстволарының делегациялары қатысты.

Кездесуде Ресей Сыртқы барлау қызметінің директоры Сергей Нарышкин өзгеріп жатқан әлемдегі ТМД елдері үшін сын-қатерлер мен мүмкіндіктерге тоқталып, қазіргі жаһандық жағдайға егжей-тегжейлі сипаттама берді.

© Photo : Исполком СНГТМД-ға мүше мемлекеттердің қауіпсіздік және барлау органдары басшыларының ХХI кеңесі

ТМД-ға мүше мемлекеттердің қауіпсіздік және барлау органдары басшыларының ХХI кеңесі

© Photo : Исполком СНГ

Ол серіктес қызметтердің әрқайсысы сыртқы және ішкі қауіп-қатерлерге қарсы тұруда бірегей тәжірибе жинақтағанын, оны өзара алмасу Достастық елдерін икемді әрі күшті ететінін атап өтті.

Іс-шараның қорытындысы бойынша қолданыстағы өзара іс-қимыл тетігін одан әрі жетілдіру, мемлекеттік мүдделерді қорғау және сыртқы теріс әсерден ТМД елдерінің қауіпсіздігін қорғау бойынша меморандумға қол қойылды.