Тобыл өзенінде суға батып кеткен атасы мен немересінің мәйіті табылды

Фото: 24.kz

Бұл қайғылы оқиға өткен жексенбіде Алтын Дала ауылының маңында болған. Отбасылық демалыс кезінде 2020 жылы туған бала өзен жағасында ойнап жүріп, қатты ағыс аймағына түсіп кеткен. Мұны көрген атасы немересін құтқару үшін суға секірген. Алайда екеуі де судан шыға алмаған.

Іздеу-құтқару операциясына ТЖД-нің шамамен 40 қызметкері тартылды. Сондай-ақ 13 техника, 2 жүзу құралы, дрон және үш сүңгуір тобы пайдаланылған.

Шомылу маусымы басталды: Су айдындарындағы қауіпсіздік деңгейі қандай?

Айта кетейік, Батыс Қазақстан облысы Жаңғалы ауданына қарасты Кіші Өзен өзенінде үш мектеп түлегі суға батып кетті. Куәгерлердің айтуынша, оқиға кезінде қыздардың бірі суға батқан достарын құтқаруға тырысқан. Нәтижесінде үш жасөспірім судан шыға алмай, қайтыс болды.