Тоқаев өзінің сұхбатында Путин деген сөзді 3 рет, Ресей деген сөзді 6 рет айтқан (ФОТО)

5 қаңтарда "Түркістан" газетінде Мемлекет басшысы Қасым-Жомарт Тоқаевтың көлемді сұхбаты жарияланды. Сұхбат мәтінінде Президент Ресей сөзін алты рет, ал Владимир Путиннің есімін үш мәрте атаған, деп хабарлайды Arasha.kz.

Дереккөздің жазуынша, алғаш рет Путиннің аты Ресей басшысының Нұрсұлтан Назарбаевпен кездесуі жайлы ойында айтылды. Тоқаевтың сөзінше, Владимир Путин экс-президентті оның жеке өтініші бойынша қабылдаған.

Екінші рет Мемлекет басшысы Путиннің адамгершілік қасиетіне тоқталып, Кремльде Назарбаевты қабылдағанын соның айғағы ретінде келтірді.

Ал үшінші жағдайда Тоқаев Ресей президентінің спортқа жақындығын атап өтті. Ол Бішкекте өткен бейресми іс-шарада Путиннің жас дзюдошыға қарсы әдемі әдіс жасап, аға буынның абыройын асқақтатқанын айтқан.

Сонымен қатар Президент сұхбат барысында Ресей атауын алты рет қолданып, бұл елмен байланысты мәселелерге бірнеше мәрте тоқталған.