Тоқаев Қазпоштаның бұрынғы басшысын жаңа қызметке тағайындады

АСТАНА, 10 желтоқсан – Sputnik. Әсел Жанасова президент әкімшілігі басшысының орынбасары болып тағайындалды. Жарлыққа мемлекет басшысы Қасым-Жомарт Тоқаев қол қойды, деп хабарлайды Ақорда.

Жанасова маусым айында "Қазпошта" басшысы қызметінен кетіп, президенттің кеңесшісі болған еді.

Әсел Жанасова туралы не белгілі?

2010 жылы "Болашақ" халықаралық стипендиясы бойынша Кембридж университетінде информатика саласындағы бакалавр дәрежесін алды. 2014 жылы Кембридж университетінің магистратурасын, М.Ломоносов атындағы Мәскеу мемлекеттік университетін "Executive Management" бағдарламасы бойынша бітірген.

2010-2014 жылдары – Лондон қаласындағы Eurasian Natural Resources Corporation PLC компаниясының ақпарат технологиялары қауіпсіздігі департаментінің директоры;

2014-2016 жылдары – Ұлттық банктің "Банк сервисі бюросы" РМК директорының кеңесшісі; цифрлық технологиялар департаментінің директорының орынбасары;

2016-2017 жылдары – "Зерде" ұлттық басқарушы холдингі" АҚ басқарма төрағасы;

2017-2018 жылдары – "Астана" халықаралық қаржы орталығы (АХҚО) басқарушысының кеңесшісі;

2018-2020 жылдары – АХҚО цифрлық технологиялар жөніндегі басқарушы директоры лауазымын атқарды.

2020-2022 жылдары – Қазақстан Республикасының Сауда және интеграция вице-министрі.

2022-2025 жылдары – "Қазпошта" АҚ басқарма төрағасы.