Төтенше жағдайлар саласындағы алғашқы волонтерлік гранттың жеңімпазы белгілі болды

Волонтерлікті дамытуға арналған шағын гранттар байқауын Мәдениет және ақпарат министрлігі және Азаматтық бастамаларды қолдау орталығы ұйымдастырды. Бұл жоба азаматтық қорғаныс жүйесінде алғаш рет жүзеге асырылып отыр, деп хабарлайды Egemen.kz.

Фото:ТЖМ

Астананың ТЖД мобильді волонтерлер тобы 1 000 000 теңге көлеміндегі гранттық қаржыландырудың жеңімпазы атанды.

Төтенше жағдайлар министрлігінің мәліметінше, бөлінген қаражат топтың ағымдағы қажеттіліктерін қамтамасыз етуге, сондай-ақ төтенше жағдайлардың алдын алу және олардың салдарын жою іс-шараларына волонтерлердің тиімді қатысуын арттыруға қажетті жабдықтарды сатып алуға бағытталды.

Грант шеңберінде радиостанциялар, эмблемасы бар қорғағыш жилеттер, шамдар, дүрбі, қарда жүруге арналған аяқ киім  және басқа да қажетті мүлік сатып алынды.