Трамп Иранмен келісім жасалғанын және Ормуз бұғазының ашылғанын жариялады

АҚШ президенті Дональд Трамп Тегеранмен келісім жасалғанын, Иранға қарсы теңіз блокадасы алынып тасталатынын және Ормуз бұғазында кеме қатынасы қайта жанданатынын жариялады, деп хабарлайды Tengrinews.kz.

АҚШ президенті Дональд Трамп Тегеранмен келісім жасалғанын, Иранға қарсы теңіз блокадасы алынып тасталатынын және Ормуз бұғазында кеме қатынасы қайта жанданатынын жариялады, деп хабарлайды Tengrinews.kz.

"Иран Ислам Республикасымен келісім жасалды. Баршаңызды құттықтаймын. Осы арқылы мен Ормуз бұғазын кемелердің еркін өтуі үшін ашуға рұқсат беремін және сонымен бірге АҚШ Әскери-теңіз күштері тарапынан теңіз блокадасын дереу тоқтату туралы бұйрық беремін. Бүкіл әлемнің кемесі, қозғалтқыштарыңызды қосыңыздар. Мұнай ақсын", - деп жазды Трамп Truth Social әлеуметтік желісінде.

Ақ үй басшысы Ормуз бұғазын ашу жұма күні, 19 маусымда Иранмен келісімге қол қойылғаннан кейін жүзеге асатынын нақтылады. Содан кейін, Трамптың айтуынша, "аймақ пен әлем үшін мұнай қайтадан екі бағытқа да ағады".

Иран сыртқы істер министрінің орынбасары Казем Гариб-Абади келісім мәтіні мақұлданғаны туралы ақпаратты растап, құжатқа қол қою рәсімі 19 маусымда Швейцарияда өтетінін нақтылады.

Келіссөздерде делдал болған Пәкістан премьер-министрі Шахбаз Шариф бұл келісім барлық әскери операцияны, соның ішінде Ливандағы Израиль операциясын да "дереу тоқтататынын" хабарлады.

Вице-президент Джей Ди Вэнс Fox News телеарнасының эфирінде АҚШ пен Иран арасындағы келісім Тегеранның ешқашан ядролық қаруға ие болмауына кепілдік беретінін мәлімдеді.

"Тек әзірлеу ғана емес, сонымен қатар иелену, ядролық қаруды сатып алуға тырысу да. Бұл келісімге енгізілген", - деді Вэнс.

Ол Тегеранның келісім шарттарын орындауы Таяу Шығысты алдағы 50 жылда түбегейлі өзгертіп, оны инвестицияға анағұрлым қолайлы аймаққа айналдыратынын айтты.

Google News арқылы жаңалықтарымызды қадағалаңыз