Трамп компаниясы Грузияда ең биік зәулім ғимарат салады

АҚШ президенті Дональд Трамп отбасының компаниясы The Trump Organization-ның хабарлауынша, жобада шамамен 70 қабатты зәулім ғимарат құрылысы қарастырылған. Сәулет тұжырымдамасын Gensler халықаралық компаниясы әзірлеген.

Атап өтілгендей, кешен көпфункционалды болады және оған жоғары деңгейлі тұрғын үйлер, сауда алаңдары, мейрамханалар және қызмет көрсету нысандары кіреді. Орналасқан жеріне байланысты ғимарат Тбилисидің дамып келе жатқан іскерлік және қоғамдық кеңістігінің негізгі элементіне айналмақ. 

The Trump Organization атқарушы вице-президенті Эрик Трамптың атап өтуінше, жоба компанияның стандарттарына сәйкес жүзеге асырылады. 

Жоба Archi Group, Biograpi Living, Blox Group, Finvest Georgia және The Sapir Organization сияқты бірнеше компанияның қатысуымен жүзеге асырылып отыр. 

Жоба туралы қосымша мәлімет, соның ішінде мерзімдері мен сәулет шешімдері кейінірек жарияланады деп жоспарланған. 

Ақпан айында Трамп ұйымы құны 1 млрд доллар жоба аясында Аустралияда алғашқы мұнарасын салу туралы келісімге қол қойды.

Еске сала кетсек, 2025 жылдың желтоқсанында Грузия үкіметі Тбилисидегі Арсенали төбесінде үлкен әкімшілік қала салу жобасын жариялады. 

Грузия билігі бұған дейін Тбилисидің жаңа халықаралық әуежайының құрылысы басталғанын хабарлаған болатын. Сонымен қатар, биыл елде құны 300 млн АҚШ долларына бағаланған Грузия тарихындағы ең ірі спорттық нысанның салынатыны туралы жарияланған еді.