Түлкібастағы атыс: 17 жастағы жігіт көз жұмды, үш адам ауруханада

Түркістан облысының Түлкібас ауданында түнгі уақытта болған атыс салдарынан бір адам қаза тауып, үш тұрғын жараланды, деп хабарлайды Azattyq Rýhy.

Облыстық полиция департаментінің мәліметінше, оқиға 2 қарашаға қараған түні тіркелген. Белгісіз екі адам бір топ азаматқа оқ атқан. Нәтижесінде 17 жастағы жігіт оқиға орнында қаза тапқан, тағы үш адам түрлі жарақатпен ауруханаға жеткізілген.

«Қазіргі таңда жараланғандарға қажетті медициналық көмек көрсетіліп жатыр. Аталған факті бойынша ҚР Қылмыстық кодексінің 99-бабы ("Адам өлтіру") бойынша қылмыстық іс қозғалды», – делінген полиция хабарламасында.

Құқық қорғаушылардың айтуынша, күдіктілердің бірі ұсталды, ал екіншісі іздестірілуде. Тергеу амалдары жалғасып жатыр.

Бүгін, 15:19