Түркістан облысында құтқарушылар анасының айтуы бойынша суға батқан баланы іздестіріп жатыр

Баспасөз мәліметтеріне қарағанда, іздеу жүргізу үшін ТЖМ, полиция, ҰҚК, жергілікті атқарушы органдардың күштері мен құралдары, сондай-ақ туыстары мен еріктілері жұмылдырылды.
17:30 жағдай бойынша облыстың ТЖД жедел-құтқару жасағының құтқарушылары Абай және Жүзімдік ауылдарының аймағындағы ұзындығы 42 шақырым Келес өзенінің арнасын арнайы ілмектер мен арқандарды пайдалана отырып тексеріліп жатыр.

Еріктілермен бірге Жүзімдік, Қызыләскер және Ғ. Мұратбаев ауылдарының су жағалулары тексеру жұмыстары жүргізілді. Қазіргі уақытта Төтенше жағдайлар министрлігінің сүңгуірлерін тарта отырып, өзен беті бойынша 15 шақырым және су астында 900 метр тексерілді.
-Бұдан басқа, Шымкент қаласы ТЖД жедел-құтқару жасағы жүзу құралдарын пайдалана отырып, ұзындығы 9 шақырым болатын Лесбекбатыр елді мекенінен Сырдария өзеніне дейінгі учаскеде іздестіру жұмыстарын жүргізіп жатыр. ТЖМ 5 ұшқышсыз ұшу аппаратын қолдану арқылы Келес өзені мен Сырдария жағалауы бойындағы ұзындығы шамамен 55 шақырым аумақты тексеру үстінде. Іздестіру жұмыстарын жүргізу үшін эхолот жабдығы мен 8 жүзу құралы тартылды,-делінген хабарламада.
Сонымен қатар, іздеудің тиімділігін арттыру үшін 28 наурызда Қазығұрт ауданындағы шлюздің жұмысы тоқтатылды, 29 наурызда Өзбекстан Республикасының «Зах» каналының шлюзі жабылды, бұл да су деңгейін төмендетуге ықпал етеді. Іздестіру-құтқару жұмыстары жалғасуда және бақылауда. Барлық тартылған қызметтер қажетті шараларды қабылдайды.

Осыған дейін 5 күн бойы айдалада қар жеп күнелткен малшының құтқарылғаны туралы жаздық.